سیلابی صورتحال کے باعث بلوچستان سے اندرون ملک کیلئے ٹرین سروس معطل

لاہور: پاکستان ریلوے نے سیلابی صورتحال کے باعث بلوچستان سے اندرون ملک کے لئے آج ٹرین سروس معطل کر دی۔

ریلوے ذرائع کے مطابق ملک میں سیلابی صورتحال اور مختلف مقامات پر فلیش فلڈز کے باعث ٹرین سروس معطل رکھنے کا فیصلہ کیا گیا ہے۔

پشاور جانے والی جعفر ایکسپریس اور کراچی جانے والی بولان میل منسوخ کر دی گئی ہے۔ آج کے دن کے لیے ٹر ین سروس معطل کی گئی ہے۔

مسافروں کو کرایہ مکمل طور پر ریفنڈ کیا جائے گا، پشاور سے کوئٹہ آنے والی جعفر ایکسپریس کو بھی آج روہڑی اورجیکب آباد سے منسوخ کردیاگیاہے۔

ریلوے حکا م کا کہنا ہے کہ ٹرین سروس اتوار سے دوبارہ بحال کر دی جائے گی۔