پی سی بی نے پاکستان ،افغانستان اور سری لنکا کے مابین ٹرائی سیریز کا اعلان کر دیا

لاہور: پاکستان کرکٹ بورڈ(پی سی بی) نے ایک اور ٹرائی سیریز کا اعلان کر دیا ،سہ ملکی سیریز پاکستان، سری لنکا اور افغانستان کے مابین کھیلی جائے گئی۔

تفصیلات کے مطابق پاکستان پہلی بار ٹی ٹوئنٹی ٹرائی سیریز کی میزبانی کرے گا۔

اس حوالے سے پی سی بی کی جانب سے سہ ملکی سیریز کا شیڈول جاری کر دیا گیا ہے جس کے مطابق سیریز 17 نومبر تا 29 نومبر راولپنڈی اور لاہور میں کھیلی جائے گی۔

جاری کر دہ شیڈول کے مطابق سیریز کا پہلا میچ 17 نومبر کو پاکستان اور افغانستان کے درمیان راولپنڈی میں کھیلا جائے گاجبکہ راولپنڈی میں ہی 19 نومبر کو سری لنکا اور افغانستان میچ کھیلیں گے۔

خیال رہے کہ یہ افغانستان کا پاکستان میں پہلا ٹی ٹوئنٹی انٹرنیشنل میچ ہوگا، سہ ملکی سیریز کے باقی پانچ میچز لاہور میں کھیلے جائیں گے۔
 فائنل 29 نومبر قذافی سٹیڈیم لاہور میں کھیلا جائے گا۔

اس حوالے سے پاکستان کرکٹ بورڈ کے چیف آپریٹنگ آفیسر سمیر احمد سید نے کہا کہ یہ ٹرائی سیریز ٹی ٹوئنٹی ورلڈ کپ کی تیاری کا بہترین موقع ہے۔

واضح رہے کہ پاکستان کی ٹیم اس وقت بھی سہ ملکی ٹی ٹوئنٹی کھیل رہی ہے جس کا آج فائنل پاکستان اور افغانستان کے درمیان کھیلا جائے گا۔