سہ ملکی سیریز فائنل :پاکستان کا افغانستان کو جیت کے لیے 142 رنزکا ہدف

شارجہ: سہ ملکی سیریز کے فائنل میچ میں پاکستان نے پہلے بلے بازی کرتے ہوئے افغانستان ٹیم کو جیت کے لیے  142 رنز کا ہدف دے دیا۔

شارجہ میں کھیلے جانے والے فائنل میچ میں پاکستان نے ٹاس جیت کر پہلے بلے بازی کرنے کا فیصلہ کیا تھا جو کہ زیادہ بہتر ثابت نہ ہو سکا اور پوری ٹیم مقررہ 20 اوورز میں8 وکٹوں کے نقصان پر 141 رنز تک ہی محدود رہی۔

پاکستان کی جانب سے وفقے وقفے سے وکٹس گرنے کا سلسلہ جاری رہا اور کوئی بھی بلے باز خاطرخواہ کارگردگی کا مظاہرہ نہ کر سکا۔

پہلے بلے بازی کرتے ہوئے پاکستان کی جانب سے صائم ایوب 17،فخر زمان 27 اور کپتان سلمان علی آغا 24 رنز بنا کر نمایاں رہے۔

جبکہ حسن نواز 15 ،فہیم اشرف اور محمد نواز 25 رنز ہی بنا سکے۔

افغانستان کی جانب سے راشد خان نے 3 نور احمد اورفضل حق فاروقی نے 2،2 وکٹیں حاصل کیں۔

خیال رہے کہ دونوں ٹیموں کے درمیان رواں سیریز میں 2 میچز کھیلے گئے، ایک میں پاکستان جب کہ دوسرے میں افغانستان کامیاب رہا۔