سابق برازیلین صدر بولسونارو مجرم قرار،عدالت نے27 سال قید کی سزا سنا دی

برازیلیا:برازیل کی سپریم کورٹ نے سابق صدر بولسونارو کو بغاوت کی سازش کا مجرم قرار دیتے ہوئے انہیں 27 سال اور تین ماہ قید کی سزا بھی سنادی ہے۔

؎غیر ملکی میڈیا کےمطابق برازیل کی سپریم کورٹ کے 5 رکنی بینچ کے 4 ججز نے سزا کے حق میں فیصلہ سنادیا جبکہ ایک جج نے انہیں تمام الزامات سے بری کرنے کے حق میں ووٹ دیا۔

گھر میں نظر بند سابق صدر بولسونارو عدالت میں پیش نہیں ہوئے ، جبکہ ان کے وکیل نے سپریم کورٹ فیصلے کے خلاف اپیل دائرکرنے کا اعلان کردیا، انہوں نے مطالبہ کیا کہ سماعت کے لیے 11 ججز  پر مشتمل فل کورٹ تشکیل دیا جائے۔

عدالتی فیصلہ آنے کے بعد سابق برازیلین صدر بولسوناروکےحق میں متعدد شہروں میں مظاہرے شروع ہوگئے۔

خیال رہےکہ بولسونارو پر 2022 کے الیکشن کے بعد اقتدار پر قبضے کی کوشش کا الزام تھا۔

امریکی صدر ٹرمپ کا ردعمل 

دوسری جانب امریکی صدر ڈونلڈ ٹرمپ نے برازیل کے سابق صدر بولسونارو کی سزا کو مایوس کن قرار دے دیا، میڈیا سے گفتگو کرتے ہوئے صدر ٹرمپ نے کہا کہ برازیلین سپریم کورٹ کا فیصلہ غیر متوقع ہے۔