میڈیکل کالجز میں داخلے کے لیے ہونے والے ایم ڈی کیٹ انٹری ٹیسٹ کا شیڈول تبدل ،مگر کیوں؟

اسلام آباد:پاکستان میڈیکل اینڈ ڈینٹل کونسل ( پی ایم ڈی سی) نے میڈیکل یونیورسٹیز اور کالجز میں ایم بی بی ایس اور بی ڈی ایس کے داخلے کے لیے ہونے والے انٹری ٹیسٹ ایم ڈی کیٹ کا شیڈول تبدیل کر دیا۔

ا س حوالے سے پی ایم ڈی سی کا کہنا ہے کہ ملک ایم ڈی کیٹ کے شیڈول میں تبدیلی کا فیصلہ ملک میں جاری سیلابی صورتحال کے پیش نظر کا  کیا گیاہے،جبکہ شیڈول میں تبدیلی کا فیصلہ وزیرصحت مصطفیٰ کمال کی ہدایات پر کیا گیا ہے۔

پی ایم ڈی سی نے بتایا کہ یہ فیصلہ چاروں صوبوں، آزاد کشمیر اور گلگت بلتستان کے متعلقہ نمائندوں کی مشاورت سے کیا گیا ہے۔

وزیرصحت مصطفیٰ کمال کا کہنا تھا کہ سیلاب متاثرہ علاقوں میں طلبا و طالبات کو درپیش مشکلات کے پیش نظرایم ڈی کیٹ ری شیڈول کیا، ایم ڈی کیٹ کو ری شیڈول کرنےکا فیصلہ طلبہ کے وسیع ترمفاد میں کیا ہے۔

وا ضح رہے کہ ایم ڈی کیٹ  پہلے 5 اکتوبر  2025 کو منعقد ہونا تھا تاہم ری شیڈول کے بعد ٹیسٹ اب26 اکتوبر2025 بروز اتوار کو ہوگا۔