ملتان سمیت پنجاب کے مختلف علاقوں میں زلزلے کے شدید جھٹکے

ملتان سمیت جنوبی پنجاب کے بیشتر علاقوں میں زلزلے کے شدید جھٹکے محسوس کیے گئے۔

ترجمان پی ڈی ایم اے کے مطابق زلزلے کا مرکز ویسٹ ملتان 126 کلو میٹر اور گہرائی 55 کلومیٹر تھی،جبکہ ریکٹر اسکیل پر زلزلے کی شدت 4.8 ریکارڈ کی گئی۔

زلزلے سے لوگوں میں خوف و ہراس پھیل گیاجس سے شہری خوفزدہ ہو کر اپنے گھروںاور دفاتر سے باہر نکل آئیں۔

پی ڈی ایم اے کو پنجاب کے تمام اضلاع سے زلزلے سے متعلق ابتدائی رپورٹ موصول ہوئی،پنجاب بھر کی انتظامیہ عمارتوں کی چیکنگ میں مصروف ہے۔

 پی ڈی ایم اے کے صوبائی کنٹرول روم سمیت پنجاب بھر کے ضلعی ایمرجنسی آپریشن سینٹرز 24/7 الرٹ ہیں۔

حکام کے مطابق زلزلے سے نقصانات کی اطلاع پی ڈی ایم اے کی ہیلپ لائن 1129 پر دی جا سکتی ہے۔