ملالہ یوسف زئی کا پاکستان میں سیلاب متاثرہ و تعلیم کے لیے 2 لاکھ ڈالر گرانٹ کا اعلان

نوبیل انعام یافتہ سماجی کارکن ملالہ یوسف زئی نے پاکستان میں حالیہ سیلاب کے بعد تعلیمی ادارے "ادارہ تعلیم و آگاہی" کے لیے 2 لاکھ ڈالر کی گرانٹ کا اعلان کیا ہے۔

اپنے سوشل میڈیا بیان میں ملالہ یوسف زئی نے کہا کہ سیلاب نے پاکستان بھر میں اسکولوں کو شدید نقصان پہنچایا ہے اور متعدد کمیونٹیز تباہی سے دوچار ہو چکی ہیں۔

انہوں نے کہا کہ اس کڑے وقت میں میری تمام تر ہمدردیاں پاکستانی قوم کے ساتھ ہیں۔

ملالہ کا کہنا تھا کہ اب وقت آ گیا ہے کہ ہم سب متحد ہو کر امدادی سرگرمیوں میں حصہ لیں، تعلیمی انفراسٹرکچر کی بحالی کو ممکن بنائیں اور اس امر کو یقینی بنائیں کہ لڑکیوں کی تعلیم کا سفر کسی صورت رکے نہیں۔