عمران خان سے اڈیالہ جیل میں سوشل میڈیا اکاؤنٹس سے متعلق تفتیش

اڈیالہ جیل میں قید پاکستان تحریک انصاف (پی ٹی آئی) کے بانی و سابق وزیراعظم عمران خان سے سوشل میڈیا اکاؤنٹس کے حوالے سے تفتیش کی گئی ہے۔ ذرائع کے مطابق یہ تفتیش نیشنل سائبر کرائم انویسٹی گیشن ایجنسی (NCCIA) کی خصوصی ٹیم نے کی۔

ذرائع نے انکشاف کیا ہے کہ تفتیش کے دوران جب سوشل میڈیا اکاؤنٹس سے متعلق سوالات کیے گئے تو عمران خان نے برہمی کا اظہار کیا۔

ذرائع کے مطابق NCCIA حکام نے سوال کیا کہ "جیل سے آپ کا پیغام باہر کون لے کر جاتا ہے؟" اس پر عمران خان نے جواب دیا کہ "میرا کوئی مخصوص پیغام رساں نہیں، جو بھی ملاقات کے لیے آتا ہے، وہ پیغام سوشل میڈیا ٹیم تک پہنچا دیتا ہے۔"

ذرائع کا مزید کہنا ہے کہ عمران خان نے یہ بھی کہا کہ "اگر میں بتا دوں کہ سوشل میڈیا اکاؤنٹس کون چلاتا ہے تو وہ اغوا کر لیا جائے گا۔"