تربت سے کراچی جانے والی سیکیورٹی کمپنی کی گاڑی سے 22 کروڑ روپے کی ڈکیتی

بلوچستان کے ضلع تربت سے کراچی جانے والی سیکیورٹی کمپنی کی گاڑی کو نامعلوم مسلح افراد نے دشت کے علاقے کھڈان کراس کے مقام پر روک کر 22 کروڑ 5 لاکھ روپے لوٹ لیے۔

پولیس حکام کے مطابق یہ بڑی ڈکیتی ایم ایٹ شاہراہ پر پیش آئی، جو تربت سے گوادر جانے والی مرکزی سڑک ہے اور عام طور پر وہاں ٹریفک کی آمد و رفت رہتی ہے۔

واقعے کی اطلاع ملتے ہی قانون نافذ کرنے والے ادارے موقع پر پہنچ گئے اور علاقے کو گھیرے میں لے کر سرچ آپریشن کا آغاز کر دیا۔