Advertisement
پاکستان

پاکستان کی بھارتی طیاروں کے لیے فضائی حدود کی بندش میں ایک ماہ کی توسیع

یہ بندش پہلی مرتبہ 23 اپریل 2025 کو پاک بھارت کشیدگی کے پیش نظر عائد کی گئی تھی، جو اب تک مرحلہ وار توسیع کے ساتھ جاری ہے

GNN Web Desk
شائع شدہ ایک سال قبل پر ستمبر 19 2025، 7:54 شام
ویب ڈیسک کے ذریعے
پاکستان کی  بھارتی طیاروں کے لیے فضائی حدود کی بندش میں ایک ماہ کی توسیع

اسلام آباد: پاکستان نے بھارت کے لیے اپنی فضائی حدود کی بندش میں مزید ایک ماہ کی توسیع کر دی ہے۔ ائیرپورٹس اتھارٹی کی جانب سے اس سلسلے میں نیا نوٹم (NOTAM) جاری کر دیا گیا ہے۔

نوٹم کے مطابق، بھارتی ایئر لائنز اور طیارے 23 اکتوبر 2025 تک پاکستانی فضائی حدود استعمال نہیں کر سکیں گے۔

واضح رہے کہ یہ بندش پہلی مرتبہ 23 اپریل 2025 کو پاک بھارت کشیدگی کے پیش نظر عائد کی گئی تھی، جو اب تک مرحلہ وار توسیع کے ساتھ جاری ہے۔

دوسری جانب، بھارت نے بھی جواباً پاکستانی طیاروں کے لیے اپنی فضائی حدود بند کر رکھی ہے، جس کے باعث دونوں ممالک کے درمیان ہوائی پروازوں کی معمول کی آمد و رفت متاثر ہو رہی ہے۔

یہ اقدام ایسے وقت میں اٹھایا گیا ہے جب دونوں ممالک کے درمیان سفارتی تعلقات میں تناؤ اور علاقائی سیکیورٹی خدشات بدستور موجود ہیں۔

Advertisement
Advertisement