پاکستان اور چین کا اشتراک، تین اہم مفاہمتی یاداشتوں پر دستخط

اسلام آباد: پاکستان اور چین کے اشتراک سے زرعی، تعلیمی اور سبز ترقیاتی منصوبوں میں نئی پیشرفت ہوئی ہے۔

تفصیلات کے مطابق چین کے ساتھ زرعی، تعلیمی اور سبز ترقیاتی منصوبوں کیلئے سرمایہ کاری میں اضافہ ہو گا، چین کی جدید ٹیکنالوجی سے پاکستان کے زرعی شعبے میں جدت ممکن بنائی جائے گی۔

ایس آئی ایف سی کی معاونت سے شعبہ زراعت اور تعلیم ترقی کی راہ پر گامزن ہے، ایس آئی ایف سی کے تعاون سے پاکستان اور چین کے درمیان 3 مفاہمتی یاداشتوں پر دستخط ہوئے ہیں۔

مفاہمتی یاداشتوں کے ذریعے پاکستان میں اقتصادی ترقی اور نئی ملازمتوں کے مواقعوں کی توقع ہے، جبکہ تعلیمی تعاون سے نوجوانوں کو تعلیمی وسائل اور اسکالر شپ کی فراہمی یقینی بنائی جائے گی۔

چینی سبز ترقیاتی منصوبے پاکستان میں ماحولیاتی تبدیلیوں کا مقابلہ کرنے میں مددگار اور مستحکم اقتصادی ترقی کی راہ ہموار کرنے میں معاون ثابت ہونگے۔
ایس آئی ایف سی کی معاونت سےچینی سرمایہ کاری سے زراعت، تعلیم اور سبز ترقی کے شعبے ترقی کی راہ پر گامزن ہونگے۔