کوٹری اسٹیشن کے قریب مال گاڑی کی 6 بوگیاں پٹڑی سے اتر گئیں، اپ ٹریک بند

حیدرآباد: کوٹری اور بولاری اسٹیشن کے درمیان مال گاڑی کی 6 بوگیاں پٹڑی سے اتر گئیں۔ 

ترجمان ریلویز کا بتانا ہے کہ مال گاڑی کی بوگیاں پٹڑی سے اترنے کے بعد بولاری اسٹیشن سے اپ ٹریک بند ہے جبکہ ڈاون ٹریک کلیئر ہے۔

ترجمان ریلویز کے مطابق اپ ٹریک کھلنے تک باقی ٹرینوں کو ڈاون ٹریک سے بھیجا جا رہا ہے جبکہ اپ ٹریک کلیئر ہونے میں چند گھنٹے لگیں گے۔ 

مال گاڑی کی بوگیاں پٹری سے اترنے کی وجوہات کے بارے میں ریلوے حکام نے تاحال کچھ نہیں بتایا تاہم معاملے کی تحقیقات کا آغاز کر دیا گیا ہے۔