دورہ پاکستان کےلیے جنوبی افریقا نے تینوں فارمیٹ کے اسکواڈز کا اعلان کر دیا

کیپ ٹاؤن:دورہ پاکستان کےلیے جنوبی افریقی کرکٹ بورڈ نے تینوں فارمیٹس کے لیے اسکواڈ کا اعلان کر دیا۔

غیر ملکی میڈیارپورٹس کے مطابق جنوبی افریقا کی جانب سے دورہ پاکستان کے لیے ٹیسٹ، ون ڈے اور ٹی 20 اسکواڈز کا اعلان کیا گیا ہے۔

جنوبی افریقی ٹیم دورہ پاکستان میں 2 ٹیسٹ، 3 ون ڈے اور 3 ٹی ٹوئنٹی میچزکی سیریز کھیلے گی۔

جنوبی افریقی کرکٹ بورڈ کے مطابق ٹیسٹ کپتان ٹیمبا باووما پنڈلی میں اسٹرین کے باعث سیریز سے باہر ہوگئے ہیں لہٰذا اب ان کی جگہ ایڈن مارکرم ٹیم کی قیادت کریں گے، اس کے علاوہ کیشو مہاراج پاکستان کے خلاف صرف دوسرے ٹیسٹ کے لیے اسکواڈ کا حصہ ہیں کیونکہ ان کا ری ہیب مکمل ہونا باقی ہے۔

اسی طرح ٹی ٹوئنٹی میچز میں جنوبی افریقی ٹیم کی قیادت ڈیوڈ ملر کریں گے اور ون ڈے میں میتھیو بریٹز کو عبوری کپتان کی ذمہ داریاں دی گئی ہیں۔
دوسری جانب جنوبی افریقہ کے بیٹر کونئٹن ڈی کاک نے ون ڈے کرکٹ سے ریٹائرمنٹ واپس لے لی ، انہیں پاکستان کے خلاف ٹی ٹوئنٹی اور ون ڈے اسکواڈ میں بھی شامل کر لیا گیا۔

کوئنٹن ڈی کاک نے 2023 میں ون ڈے کرکٹ سے ریٹائرمنٹ کا اعلان کیا تھا تاہم ٹی ٹوئنٹی ورلڈ کپ 2024 کھیلنے کے بعد ون ڈے کرکٹ کو خیرباد کہہ گئے تھے ، اسٹار بیٹر کی 2024 کے بعد جنوبی افریقی ٹیم میں واپسی ہوئی ہے۔

ٹی 20 اسکواڈ

ٹی 20 ٹیم میں ڈیوڈ ملر (کپتان)، کوربن بوش، ڈیوالڈ بریوس، ناندری برگر، جیرالڈ کوٹزی، کوئنٹن ڈی کوک، ڈونووَن فریرا، ریضا ہینڈرکس، جارج لنڈے، کوینا مپھاکا، لُنگی نگیڈی، نقابہ پیٹر، لہوان-دری پریٹوریئس، اینڈائل سمیلانے، لیزاد ولیمز شامل ہیں۔

ٹیسٹ اسکواڈ

ٹیسٹ ٹیم میں ایڈن مارکرم (کپتان)، ڈیوڈ بیڈنگھم، کوربن بوش، ڈیوالڈ بریوس، ٹونی ڈے زورزی، زبیر حمزہ، سائمن ہارمر، مارکو یانسن، کیشَو مہاراج*، ویان مُلڈر، سنورَن متھوسامی، کاگیسو ربادا، رائن ریکلٹن، ٹرسٹن سٹبز، پرینیلن سبریئن، کائل ویریاین شامل ہیں۔

ون ڈے اسکواڈ

ون ڈے ٹیم میں میتھیو بریٹزکے (کپتان)، کوربن بوش، ڈیوالڈ بریوس، ناندری برگر، جیرالڈ کوٹزی، کوئنٹن ڈی کوک، ٹونی ڈے زورزی، ڈونووَن فریرا، بیورن فورٹین، جارج لنڈے، کوینا مپھاکا، لُنگی نگیڈی، نقابہ پیٹر، لہوان-دری پریٹوریئس، سنیتمبا قیشیلے شامل ہیں۔