مسلسل 2 روز کی کمی کے بعد سوناپھر ہزاروں روپے مہنگا،فی تولہ کتنے کا ہو گیا؟

کراچی:مسلسل دو روز قیمت میں کمی کے بعدعالمی و مقامی مارکیٹوں میں سونا پھر مہنگاہوگیا۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں فی تولہ سونا 1900 روپے مہنگا ہوا جس کے بعد 24 گرام سونے کی نئی قیمت بڑھ کر 3 لاکھ 97 ہزار 700 روپے کا ہوگئی۔

اسی طرح دس گرام سونے کی قیمت میں بھی 1629 روپے کا اضافہ ہوا ہے جس کے بعد مقامی مارکیٹوں میں دس گرام سونے کی قیمت 3 لاکھ 40 ہزار 963 روپے کا ہوگئی۔

دوسری جانب عالمی بلین مارکیٹ  میں سونا 19 ڈالر مہنگا ہوکر 3759 ڈالر فی اونس پر پہنچ گیا۔

خیال رہے کہ گزشتہ روز مقامی مارکیٹوں میں سونا 1000روپے جبکہ اس سےایک دن قبل 2000 روپے فی تولہ سستا ہوا تھا۔