Advertisement
پاکستان

معلومات تک رسائی ہر شہری کا بنیادی اور جمہوری حق ہے: صدر و وزیراعظم کا پیغام

آج کی باہم جڑی دنیا میں معلومات کا آزادانہ بہاؤ نہ صرف اچھی حکمرانی کو مضبوط کرتا ہے بلکہ ریاست اور عوام کے درمیان اعتماد کی فضا قائم کرتا ہے،شہبازشریف

GNN Web Desk
شائع شدہ ایک سال قبل پر ستمبر 28 2025، 5:34 شام
ویب ڈیسک کے ذریعے
معلومات تک رسائی ہر شہری کا بنیادی اور جمہوری حق ہے: صدر و وزیراعظم کا پیغام

اسلام آباد: صدرِ مملکت آصف علی زرداری اور وزیر اعظم شہباز شریف نے عالمی دن برائے معلومات تک رسائی کے موقع پر اپنے پیغام میں کہا ہے کہ معلومات تک رسائی ہر شہری کا بنیادی اور جمہوری حق ہے۔

تفصیلات کے مطابق عالمی یوم برائے معلومات تک رسائی کے موقع پر صدر آصف علی زرداری نے کہا کہ معلومات کا آزادانہ بہاؤ شفافیت، جوابدہی اور اچھی حکمرانی کو فروغ دیتا ہے۔ انہوں نے کہا کہ غلط معلومات اور جعلی خبروں کے ذریعے سچ کو مسخ کیا جانا آج کے دور کا ایک بڑا چیلنج ہے، جو قومی یکجہتی اور اداروں پر عوامی اعتماد کو نقصان پہنچاتا ہے۔

بیان میں صدرِ مملکت نے زور دیا کہ ذمہ دارانہ رپورٹنگ اور درست معلومات کی فراہمی جمہوری استحکام کے لیے ناگزیر ہے، اور کہا کہ بروقت اور درست معلومات تک رسائی شہریوں کو بااختیار بناتی ہے۔

انہوں نے عوام سے اپیل کی کہ سوشل میڈیا پر غیر مصدقہ معلومات کے پھیلاؤ سے گریز کیا جائے، انہوں باہمی شفافیت، ترقی اور انصاف کی بنیاد باخبر معاشرہ ہے، اور تمام اداروں پر زور دیا کہ وہ معلومات تک رسائی کے نظام کو مزید مؤثر بنائیں۔

دوسری جانب وزیرِاعظم محمد شہباز شریف نے قوم کے نام پیغام میں کہا ہے کہ معلومات تک رسائی ہر شہری کا جمہوری حق ہے، جو شفاف طرزِ حکمرانی، ادارہ جاتی جوابدہی اور عوامی خودمختاری کا ضامن ہے۔

وزیرِاعظم نے کہا کہ آج کی باہم جڑی دنیا میں معلومات کا آزادانہ بہاؤ نہ صرف اچھی حکمرانی کو مضبوط کرتا ہے بلکہ ریاست اور عوام کے درمیان اعتماد کی فضا قائم کرتا ہے۔

اپنے بیان میں وزیر اعظم شہباز شریف نے اس بات پر زور دیا کہ باخبر معاشرے ہی امن، انصاف اور پائیدار ترقی کی بنیاد بن سکتے ہیں،انہوں نےمزید بتایا کہ پاکستان نے شہریوں کے اس حق کو یقینی بنانے کے لیے قانون سازی اور ادارہ جاتی اصلاحات کی ہیں۔ انہوں نے کہا کہ ہم اس عزم کے ساتھ آگے بڑھ رہے ہیں کہ معاشرے کے تمام طبقات، بالخصوص خواتین، نوجوان اور پسماندہ افراد، ڈیجیٹل دور میں معلومات تک مساوی رسائی سے مستفید ہو سکیں۔

انہوں نے مزید کہا کہ پاکستان انفارمیشن کمیشن، حق تک رسائی قانون 2017 کے تحت ایک جزوی عدالتی فورم کے طور پر خدمات انجام دے رہا ہے، جو معلومات تک رسائی فراہم کرنے اور شکایات کا ازالہ کرنے میں اہم کردار ادا کر رہا ہے۔

 وزیرِاعظم نے اس بات کا بھی ذکر کیا کہ عوامی ریکارڈ کو محفوظ بنانے اور اس کی آسان رسائی کے لیے ڈیجیٹائزیشن کا عمل جاری ہے۔

اپنے پیغام کے اختتام پر وزیراعظم شہباز شریف نے تمام حکومتی اداروں، سول سوسائٹی، میڈیا اور ٹیکنالوجی پلیٹ فارمز سے اپیل کی کہ وہ مل کر ایک زیادہ کھلے، شفاف، اور علم پر مبنی معاشرے کی تعمیر میں کردار ادا کریں۔ 

وزیر اعظم کا مزید کہنا تھا کہ ایسا معاشرہ ہی عوام کو بااختیار بنا سکتا ہے، جمہوریت کو مضبوط کر سکتا ہے اور پاکستان کے ترقی کی جانب سفر کو تیز کر سکتا ہے۔

Advertisement
راولپنڈی: گھر سے خاتون اینکر ربیعہ احسن کی گولی لگی لاش برآمد

راولپنڈی: گھر سے خاتون اینکر ربیعہ احسن کی گولی لگی لاش برآمد

  • 13 days ago
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 12 days ago
متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز  زیر بحث

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث

  • 17 hours ago
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 13 days ago
دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

  • 17 hours ago
پولیس افسران کی ترقیوں کے خلاف پنجاب حکومت کی اپیلیں خارج

پولیس افسران کی ترقیوں کے خلاف پنجاب حکومت کی اپیلیں خارج

  • 14 days ago
انڈر 19 ایشیا کپ: پاکستان نے بھارت کو 3 وکٹ سے شکست دے دی

انڈر 19 ایشیا کپ: پاکستان نے بھارت کو 3 وکٹ سے شکست دے دی

  • 13 days ago
نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

  • 17 hours ago
شعیب ایوب بٹالوی کی موٹیویشنل تقریر نے حاضرین کے دل جیت لیے

شعیب ایوب بٹالوی کی موٹیویشنل تقریر نے حاضرین کے دل جیت لیے

  • 17 hours ago
نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

  • 14 days ago
فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

  • 16 hours ago
پیٹرول اور ڈیزل کی نئی قیمتوں کا اعلان

پیٹرول اور ڈیزل کی نئی قیمتوں کا اعلان

  • 12 hours ago
Advertisement