اسکردو ایئرپورٹ پر ایک روز میں 6 پروازوں کی آمد

تفصیلات کے مطابق دور افتادہ علاقہ سمجھے جانے والا اسکردو گزشتہ سال تک ہفتے کی صرف 5 پروازوں کا استقبال کرتا تھا ، اسکردو ایئرپورٹ اب ملک کے بڑے ایئرپورٹس کے مقابلے میں زیادہ پروازیں ہینڈل کررہا ہے ، آج پروازیں اسلام آباد کراچی،لاہور، سیالکوٹ اور فیصل آباد سے پہنچیں اور روانہ ہوئیں ہیں ۔

 سی ای او پی آئی اے ائیر مارشل ارشد ملک نے وزیر ہوابازی، وزیراعظم اور وزیر اعلی گلگت بلتستان کا اس معاملے پر  خصوصی شکریہ بھی ادا کیا ہے ، انہوں نے کہا کہ پاکستان کے شمالی علاقہ جات دنیا کے خوبصورت ترین علاقے شمار ہوتے ہیں ،وقت آگیا ہے کہ ان علاقوں کو پورے پاکستان اور پوری دنیا کیلئے کھولا جائے ۔