ایران کی پاکستان اور افغانستان کے مابین کشیدگی کے خاتمے کیلئے ثالثی کی پیشکش 

تہران :برادر اسلامی جمہوریہ ایران نے پاکستان اور افغانستان کے درمیان حالیہ کشیدگی پر تشویش کا اظہار کرتے ہوئے معاملے کے حل کے لیے ثالثی کی پیشکش کی ہے۔

ایرانی میڈیا رپوٹس کے مطابق ترجمان ایرانی وزارت خارجہ اسماعیل بقائی نے اپنے ایک بیان میں کہا کہ پاکستان اور افغانستان کی حالیہ کشیدگی پرتشویش ہے ،ہر ملک کی علاقائی سالمیت اور قومی خودمختاری کا احترام ضروری ہے۔

ترجمان ایرانی وزارت خارجہ اسماعیل بقائی نے اپنے بیان میں کہا کہ ایران خطے میں امن و استحکام کا خواہاں ہے اور پاکستان اور افغانستان دونوں کو فوری مذاکرات کے ذریعے کشیدگی کم کرنی چاہیے۔ ان کا کہنا تھا کہ ہر ملک کی علاقائی سالمیت اور خودمختاری کا احترام ضروری ہے۔

 ترجمان ایرانی وزارت خارجہ نے مزید کہاکہ کشیدگی کم کرنے کے لیے پاکستان اور افغانستان فوری طور پر مذاکرات کریں، تاکہ سرحدی تناؤ کو کم کیا جا سکے اور خطے میں امن بحال ہو،ایران نے کہا کہ اگر دونوں ممالک چاہیں تو وہ ثالث کا کردار ادا کرنے کے لیے تیار ہے۔

ایران سے قبل سعودی عرب اور قطر کی جانب سے بھی پاک افغان کشیدگی پر تشویش کا اظہار کرتے ہوئے تحمل اور بات چیت سے مسئلہ کرنے کے کی کوشش کرنے کا کہا گیا تھا۔

واضح رہے گزشتہ رات پاک افغان بارڈر پر افغانستان کی طرف سے جارحیت کی گئی جس کا پاک فوج نے بھرپور جواب دیا ، پاک فوج کی جوابی کارروائی میں درجنوں افغان فوجی ہلاک جبکہ متعدد چیک پوسٹیں تباہ ہو گئیں ، پاک فوج نے کئی چیک پوسٹوں پر قبضہ بھی کر لیا ہے۔