مینگورہ اور گردونواح میں زلزلے کے شدید جھٹکے،شہریوں میں خوف وہراس

سوات: صوبہ خیبر پختونخو اکے شہر سوات ،مینگورہ اور گردونواح میں زلزلے کے جھٹکے محسوس کئے گئے۔

زلزلے کے باعث شہریوں میں شدید خوف و ہراس پھیل گیا اور وہ کلمہ طیبہ کا ورد کرتے ہوئے اپنے گھروں اور دوکانوں سے باہر نکل آئیں۔

زلزلہ پیما مرکزکے مطابق ریکٹرسکیل پر زلزلے کی شدت4.1 ریکارڈ کی گئی،جس کی زیر زمین گہرائی 218کلو میٹر ریکارڈ کی گئی جبکہ زلزلے کا مرکز ہندوکش ریجن تھا۔

دوسری جانب ریسکیو حکام کا کہنا ہے کہ ابھی تک زلزلے سے کسی بھی قسم کے جانی ومالی نقصان کی اطلاعات موصول نہیںہوئیں۔