قومی ائیر لائن کی 5 سال بعد برطانیہ کے لیے پہلی اڑان

اسلام آباد: پاکستان انٹرنیشنل ایئرلائن (پی آئی اے) کا 5 سال بعد برطانیہ کے لیے فلائٹ آپریشن آج بحال ہوگا۔

تفصیلات کے مطابق پی آئی اے کی 5 سال بعد پہلی پرواز آج اسلام آباد سے 350 مسافروں کو لے کر مانچسٹر روانہ ہوگی، پہلی پرواز کی روانگی سے قبل ہی برطانیہ کیلئے تین ماہ کی ایڈوانس بکنگ کرائی جاچکی ہے۔

اس موقع پر دونوں ہوائی اڈوں پر تقریب ہوگی، وزیر ہوا بازی خواجہ آصف یورپی یونین اور برطانیہ کے سفیروں سمیت دیگر اعلیٰ حکام شریک ہوں گے۔

ترجمان پی آئی اے کے مطابق پہلے مرحلے میں اسلام آباد سے مانچسٹر کے لیے دو پروازیں ہفتہ وار چلائی جائیں گی، دوسرے مرحلے میں لاہور اور کراچی سے بھی پروازوں کا آغاز کیا جائے گا۔

دوسری جانب اس موقع پر وفاقی وزیر دفاع و ایوی ایشن خواجہ آصف اور برطانوی خاتون سفیر پی آئئ اے کے جہاز کا معائنہ کیا اور انتظامی معاملات کا جائزہ لیا۔

وزیر دافاع نے مسافروں سے درخواست کی وہ پی آئی اے کے اس خوبصورت جہاز کو صاف رکھنے میں اپنا کردار ادا کریں۔

خواجہ آصف اور برطانوی خاتون سفیر پی آئئ اے کے جہاز کا معائنہ کر رہے جو براہ راست مانچسٹر کی فلائٹ پر جائے گا ویسے جہاز تو اچھا اور نیا لگ رہا ہے باقی ذمہ داری مسافروں کی بھی ہوتی کہ اسے صاف رکھیں ویسے مانچسٹر والی سواریاں تو الگ ہی جائیں تو بہتر رہتا ہے 😂 pic.twitter.com/gZmEvNHWut

— RAShahzaddk (@RShahzaddk) October 25, 2025

واضح رہے کہ 24جون 2020 کو غلام سرور خان نے پائلٹ کی ڈگریوں سے متعلق قومی اسمبلی کے فورم پر بیان دیا تھا، جس پر یکم جولائی 2020 کو برطانیہ نے پی آئی اے پر پابندی عائد کردی تھی۔