ٹی ٹوئنٹی ورلڈ 2026: پلیئر آف دی ٹورنامنٹ ایوارڈ کیلئے نامزدگیوں کا اعلان

دبئی: عالمی کرکٹ کونسل( آئی سی سی) نے ٹی 20 ورلڈ کپ 2026 کے پلیئر آف دی ٹورنامنٹ کیلئے نامزدگیوں کا اعلان کر دیا ہے۔

آئی سی سی کی جانب سے نامزد کھلاڑیوں میں پاکستان کے اوپننگ بلے باز صاحبزادہ فرحان بھی شامل ہیں جنہوں نے ٹورنامنٹ میں شاندار کارکردگی کا مظاہرہ کیا۔

صاحبزادہ فرحان نے 7 میچز میں 76.60 کی اوسط اور 160.25کے اسٹرائیک ریٹ کے ساتھ 383 رنز بنا ئے جبکہ انہوں نے 6 اننگز میں 383 رنز بنا کر ٹی ٹوئنٹی ورلڈ کپ کے ایک ایڈیشن میں سب سے زیادہ رنز بنانے کا ریکارڈ بھی قائم کیا۔ 

صاحبزادہ فرحان نے سری لنکا اور نمیبیا کے خلاف سنچریاں اسکور کیں، وہ ایک ٹی ٹوئنٹی ورلڈ کپ میں دو سنچریاں بنانے والے واحد بیٹر ہیں۔

علاوہ ازاں پلیئر آف دی ٹورنامنٹ کے لیے نامزد دیگر کھلاڑیوں میں بھارت کے سنجو سیمسن، انگلینڈ کے وِل جیکس، نیوزی لینڈ کے رچن رویندرا اور ٹم سائفرٹ جبکہ جنوبی افریقہ کے کگیسو ربادا اور کپتان ایڈن مارکرم شامل ہیں۔