کوئی اور نہیں اپنا پسندیدہ میں خود ہوں، موسیقی کو نہیں چھوڑ سکتا وہ میرے ساتھ رہے گی،چاہت فتح علی خان

 لاہور: اپنی مزاحیہ گلوکاری سے وائرل ہونے والے خودساختہ گلوکار چاہت فتح علی خان کا کہنا ہے کہ کوئی اور نہیں اپنا پسندیدہ گلوکارمیں خود ہوں، ان کا کہنا تھا کہ موسیقی کو نہیں چھوڑ سکتا وہ میرے ساتھ رہے گی۔

تفصیلات کے مطابق سوشل میڈیا پر منفرد انداز میں گلوکاری کرنے والے چاہت فتح علی خاں نے عید پر نئی آنےوالی فلم ’’دہلی گیٹ ‘‘کے حوالے سے منعقدہ تقریب میں شرکت کی۔

تقریب کے دوران جی این این سے خصوصی گفتگو کرتے ہوئے چاہت فتح علی خان کا کہنا تھاکہ عید پر میرے تین نئے گانے آ رہے ہیں،اور وہ ایسے گیت ہیں جو ہمیشہ کی طرح دوسروں سے الگ ہیںجن کو سن کر سب دنگ رہ جائیں گے اور بھرپور پسند بھی کریں گے،ان کاکہنا تھا کہ سُر میرے اندر موجود ہے میںاور سُر کے اندر۔

پسندیدہ گلوکار کے حوالے سے پوچھے گئے ایک سوال کے جواب میں ان کا کہناتھا کہ چاہت فتح علی خان کا کوئی اور نہیں بلکہ میں اپنا پسندیدہ گلوکار خود ہوں۔

جی این این سے خصوصی گفتگو میںچاہت فتح علی خاں نے کہا ہے کہ میں موسیقی کو نہیں چھوڑ سکتا وہ میرے ساتھ رہے گی،انہوں نے مزید کہا کہ میں اپنے فینز کا شکریہ ادا کرتا رہتا ہوں کیونکہ انہی کی وجہ سے میں ہوں۔