محکمہ موسمیات کی اسلام آباد سمیت ملک کے دیگر علاقوں میں موسم سرد اور خشک رہنے کی پیشگوئی

ویب ڈیسک :محکمہ موسمیات نے وفاقی دارالحکومت اسلام آباد سمیت ملک بھر میں موسم خشک جبکہ صبح اور رات کے اوقات میں سرد رہنے کی پیش گوئی کردی۔

تفصیلات کے مطابق خیبرپختونخوا کے بیشتر اضلاع میں موسم خشک جبکہ پہاڑی علاقوں میں سرد(صبح / رات کے اوقات میں شدید سرد) رہنے کا امکان  ہے۔

اسی طرح پنجاب کے بیشتر اضلاع میں موسم خشک رہےگا ۔ مری، گلیات اور گردو نواح میں موسم خشک اور سرد رہنے کا امکان  ہے۔ پنجاب کےمیدانی علاقوں میں سموگ جبکہ صبح /رات کے اوقات میں چند مقامات پر ہلکی دھند کی توقع ہے۔

محکمہ موسمیات کے مطابق بلوچستان کے بیشتر اضلاع میں موسم خشک جبکہ شمالی اضلاع میں سرد ( صبح / رات کے اوقات میں شدید سرد) رہنے کا امکان  ہے۔ 

اسی طرح سندھ کے بیشتر اضلاع میں موسم خشک رہنے کا امکان  ہے،جبکہ کشمیر اور گلگت بلتستان میں موسم سرد اورخشک( صبح / رات کے اوقات میں شدید سرد) رہےگا ۔

محکمہ موسمیات کے مطابق آج کم سے کم درجہ حرارت سکردو، لہہ منفی07، زیارت، گلگت منفی 04، بابوسرمنفی03، کوئٹہ اور استور منفی میں 02 ڈگری سینٹی گریڈ ریکارڈ کیا گیا ۔