رائیونڈ: باراتیوں کو لیجانے والی بس ٹرالر سے ٹکرا گئی،5 افراد جاں بحق، درجنوں زخمی

رائیونڈ جیابگا روڈ پر باراتیوں کو لیجانے والی بس ٹرالر سے ٹکرا گئی ،جس کے نتیجے میں 5 افراد جاں بحق جبکہ 20 زخمی ہوگئے۔

ریسکیوحکام کے مطابق باراتیوں کی بس جیابگا رائیونڈ روڈ پر ٹرالر سے ٹکرائی  جس کے نتیجے میں 5 افراد جاں بحق اور 20 افراد زخمی ہوئے۔

حکام کے مطابق زخمیوں کو لاہور جنرل اسپتال اور رائیونڈ ٹی ایچ کیو اسپتال منتقل کر دیا گیا،زخمی ہونے والوں میں  خواتین اور بچے بھی شامل ہیں ۔

حادثے کے عینی شاہدین کا کہنا ہے کہ باراتیوں کی بس حادثے کے بعد الٹ گئی جس کے باعث زیادہ نقصان ہوا ۔

دوسری جانب رائیونڈ پولیس نے موقع پر پہنچ کر قانونی کارروائی کا آغاز کر دیا ہے۔