پاکستان اور سعودی عرب کا سٹریٹجک عسکری تعاون مزید مضبوط بنانے پر اتفاق

سعودی عرب کی مسلح افواج کے چیف آف جنرل سٹاف جنرل فیاض بن حمید الرویلی نے راولپنڈی میں بری فوج کے سربراہ فیلڈ مارشل سید عاصم منیر سے ملاقات کی۔

ملاقات کے دوران دونوں رہنماوں نے باہمی دلچسپی کے امور بالخصوص پاکستان اور سعودی عرب کے درمیان دیرینہ سٹرٹیجک عسکری تعاون مضبوط بنانے پر تبادلہ خیال کیا۔

انہوں نے دفاعی، سیکیورٹی اور انسداد دہشتگردی کی کوششوں میں تعاون مزید مضبوط بنانے کی اہمیت پر زور دیا جو مضبوط دوطرفہ تعلقات کے ستون ہیں۔

دورے پر آئے ہوئے معزز مہمان نے سعودی عرب کی مسلح افواج کے ساتھ کئی شعبوں میں پاکستان کے تعاون کو سراہا اور تعاون کے مضبوط رشتے کو مزید مستحکم کرنے کے اپنے عزم کا اعادہ کیا۔

جی ایچ کیو آمد پر جنرل فیاض بن حمید الرویلی نے یادگار شہداء پر پھول چڑھائے اس موقع پر پاک فوج کے ایک چاق وچوبند دستے کی جانب سے سلامی پیش کی گئی۔