پاک بحریہ کا اینٹی شپ بیلسٹک میزائل کا کامیاب تجربہ، صدر، وزیراعظم کی مبارکباد

راولپنڈی:پاک بحریہ نے اینٹی شپ بیلسٹک میزائل کا کامیاب تجربہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق  اینٹی شپ بیلسٹک میزائل پاکستان میں ہی تیار کیا گیا ہے۔

ترجمان آئی ایس پی آر کے مطابق اینٹی شپ بیلسٹک میزائل سمندری اور  زمینی اہداف کو اعلیٰ درستی کے ساتھ نشانہ بنانےکی صلاحیت رکھتا ہے،ینٹی شپ بیلسٹک میزائل  شاندار گائیڈنس اور اہم خدوخال کا حامل ہے۔

شعبہ تعلقات کے مطابق ٹیسٹ فلائٹ کا مشاہدہ نیول چیف ایڈمرل نوید اشرف اور  سینئر سائنسدانوں اور انجینئروں نےکیا۔

آئی ایس پی آر کا کہنا ہےکہ کامیاب تجربہ  پاکستان کی تکنیکی مہارت اور قومی مفادات کے تحفظ کے لیے پاک بحریہ کے پختہ عزم کا ثبوت ہے۔

ترجمان کے مطابق نیول چیف نے اس موقع پر سائنٹیفک کمیونٹی، انجینئرز اور تمام متعلقہ یونٹس کی کوششوں کو سراہتے ہوئے کہا کہ یہ کامیابی پاکستان کی دفاعی خود انحصاری میں ایک اور اہم قدم ہے۔

دوسری جانب صدرمملکت، وزیراعظم، فیلڈ مارشل اور چیئرمین جوائنٹ چیفس آف اسٹاف کمیٹی نے کامیاب تجربے پر شریک یونٹس اور سائنسدانوں کو مبارک باد دی ہے،جبکہ اس اہم کارنامے  پر سروسز چیفس نے بھی  شریک یونٹس اور سائنسدانوں کو  مبارک باد دی ہے۔