پی ایس ایل کی پروموشن کیلئے پی سی بی کا برطانیہ میں روڈ ٹرپ کرانے کا فیصلہ

لاہور: پاکستا ن کرکٹ بورڈ ( پی سی بی ) کی جانب سے پاکستان سپر لیگ(پی ایس ایل) 11 کو کامیاب بنانے کے لئے برطانیہ میں روڈ ٹرپ کرانے کا فیصلہ کیا گیا ہے۔

تفصیلات کے مطابق روڈ ٹرپ میں پی ایس ایل کی چمچماتی ٹرافی اور صف اول کے کھلاڑی شامل ہوں گے، پی ایس ایل روڈ ٹرپ کا انعقاد لندن کے علاوہ مانچسٹر میں بھی کیا جائے گا۔

پی ایس ایل روڈ ٹرپ سی ای او سلمان نصیر کی زیر نگرانی ہوگا، اس حوالے سے جلد سلمان نصیر برطانیہ روانہ ہوں گے، آئندہ چند روز میں پی ایس ایل روڈ ٹرپ کی تاریخیں فائنل کرلی جائیں گی۔

ذرائع کے مطابق پی ایس روڈ ٹرپ کے ذریعے مختلف بزنس کمپنیز کو ٹارگٹ کیا جائے گا۔

واضح رہے کہ انگلینڈ میں پاکستان سپر لیگ اور پاکستان کرکٹ کے فینز کی بڑی تعداد موجود ہے۔