پی ٹی آئی احتجاج میں عسکری قیادت کو قتل کی دھمکیاں، پاکستان کا برطانوی حکومت سے کارروائی کا مطالبہ
یہ نہ تو آزادی اظہار رائے ہے اور نہ ہی سیاسی اختلاف بلکہ یہ اشتعال انگیزی اور براہ راست دہشتگردی پر اکسانے کے مترادف ہے،سیکیورٹی ذرائع


لندن: پاکستان نے فیلڈ مارشل سید عاصم منیر کیخلاف برطانیہ میں اشتعال انگیز تقریر اور قتل کی دھمکی پر تشویش کا اظہار کرتے ہوئے برطانوی حکومت سے تحقیقات کا مطالبہ کیا ہے۔
تفصیلات کے مطابق سیکیورٹی ذرائع کا کہنا ہے کہ پی ٹی آئی برطانیہ کے آفیشل ایکس اکاؤنٹ سے 23 دسمبر کو ویڈیو جاری کی گئی ، ویڈیو میں برطانیہ میں کھڑے مظاہرین نے فیلڈ مارشل کو قتل کی دھمکیاں دیں۔
سیکیورٹی ذرائع کا کہنا ہے کہ یہ نہ تو آزادی اظہار رائے ہے اور نہ ہی سیاسی اختلاف بلکہ یہ اشتعال انگیزی اور براہ راست دہشتگردی پر اکسانے کے مترادف ہے۔
جبکہ انتہائی افسوسناک امر یہ ہے کہ پی ٹی آئی کے سوشل میڈیا ٹرولز نے اس کھلم کھلا اشتعال اور دھمکی آمیز ویڈیو کو آگے پھیلایا اور اپنے آفیشل اکاونٹ سے شیئر کیا۔
سیکیورٹی ذرائع کا مزید کہنا ہے کہ پاکستان نے اشتعال انگیزی میں ملوث افراد کیخلاف تحقیقات اور برطانیہ سے کارروائی کا مطالبہ کرتے ہوئے کہا کہ یہ واقعہ عالمی قوانین اور ذمہ دار ریاستی طرز عمل کیلئے برطانیہ کے عزم کا امتحان ہے۔
خیال رہے کہ برطانیہ میں اس طرح کی دھمکی آمیز گفتگو بین الاقوامی قوانین کی کھلم کھلا خلاف ورزی ہے، اقوام متحدہ کی سلامتی کونسل کی قرارداد 1373 میں دہشتگردی، اشتعال انگیزی، مالی معاونت یا حمایت کو روکنے کی ذمہ داری عائد کی گئی ہے۔
علاوہ ازاں برطانیہ کا انسدادی دہشگردی ایکٹ 2006 بھی دہشتگردی کی حوصلہ افزائی سنگین جرم قرار دیتا ہے، اس طرح کا انتہا پسندانہ ، پرتشدد اور دہشتگردی پر اُکسانے والی اشتعال انگیز تقاریر قابل مذمت ہے۔
دوسری جانب ماہرین کا کہنا ہے پی ٹی آئی نے سیاسی مقاصد کی خاطر پاکستان مخالف ایجنڈے کیلئےعالمی قوانین کو پس پشت ڈال دیا ،پی ٹی آئی یو ٹیوبرزبرطانیہ کو شر پسند عناصر کی ایما پر فوج مخالف بیانیہ کیلئے استعمال کر رہے ہیں۔

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 دن قبل

پیٹرول اور ڈیزل کی قیمتوں میں کمی کا اعلان
- 13 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 11 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 دن قبل
پہلے ایل پی جی اوراب بجلی بم گرا دیا گیا
- 11 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 دن قبل



