لاہور:تیسری چیف آف آرمی اسٹاف نیشنل انٹر کلب چیمپئن شپ 2026 پورے جوش و جذبے سے جاری

لاہور:جناح سپورٹس کمپلیکس لاہور میں تیسری چیف آف آرمی سٹاف نیشنل انٹر کلب چیمپئن شپ 2026 پورے جوش و جذبے سے جاری ہے۔

تفصیلات کے مطابق جناح سپورٹس کمپلیکس لاہور میں روزانہ کی بنیاد پر سنسنی خیز میچز کھیلے جا رہے ہیں، چیمپئن شپ کا آخری مرحلہ 28 فروری 2026 کو اختتام پذیر ہوگا جبکہ فائنل راؤنڈ میں مجموعی طور پر 12 ٹیمیں شریک ہوں گی۔

جن کو دو پول A اور پول B میں تقسیم کیا گیا ہے جس میں 6،6 ٹیموں کے درمیان مقابلے منعقد ہوں گے۔

پول A میں پاک ہیرو ہاکی کلب لاہور، ہاکی کلب آف وہاڑی، POF واہ کینٹ، سول کوارٹر پشاور، شیروانی موٹرز کراچی، DHA ایرینا شامل ہیں۔

اسی طرح پول B میں علی امیر سرگودھا، رانا مجاہد علی فیصل آباد، باچا خان بنوں، سمیع عابد حیدرآباد، برنی کوئٹہ، نشتر اسلام آباد شامل ہیں۔

ہاکی شائقین کی بڑی تعداد میچز دیکھنے کیلئے سٹیڈیم کا رخ کرنے لگی جبکہ شائیقین نے قومی کھیل ہاکی کے فروغ کیلئے ایونٹ کو اہم سنگ میل قرار دیا ہے۔