مذہب کی جبری تبدیلی پر 5 سال قید کی سزا تجویز، اقلیتوں کے حقوق کے تحفظ کا بل پنجاب اسمبلی میں جمع

لاہور: پنجاب اسمبلی میں اقلیتوں کے حقوق کے تحفظ کے لیے نیا بل جمع کروا دیا گیا ہے۔ یہ بل چیئرمین قائمہ کمیٹی برائے اقلیتی امور، فیلبوس کرسٹوفر، نے پرائیویٹ ممبر کے طور پر پیش کیا۔

مجوزہ بل کے مطابق کسی شخص پر مذہب کی جبری تبدیلی کرانے کی صورت میں پانچ سال قید اور جرمانے کی سزا دی جائے گی۔

اس کے علاوہ، بل میں کہا گیا ہے کہ تعلیمی اداروں اور ملازمتوں میں اقلیتی شہریوں کے ساتھ امتیازی سلوک نہیں کیا جائے گا۔

علاوہ ازاں بل میں صوبائی سطح پر تعلیمی نصاب کا جائزہ لینے کا بھی ذکر کیا گیا ہے تاکہ اقلیتوں کے حقوق کے تحفظ کو یقینی بنایا جا سکے۔

خیال رہے کہ وفاقی آئینی عدالت نے اس سلسلے میں گزشتہ ہفتے اہم فیصلہ بھی جاری کیا تھا۔