حیدرآباد: شادی میں آئے 3 بچے کرنٹ لگنے سے جاں بحق

حیدرآباد: صوبہ سندھ کے شہر حیدر آباد کے علاقے پھلیلی میں شادی کی تقریب میں آئے 3 بچے کرنٹ لگنے سے جاں بحق ہو گئے۔

اس حوالے سے پولیس حکام کا کہنا ہے کہ رشتے دار کی شادی میں آئے بچے گھرکی چھت پر سو رہے تھے،گھر کی چھت کے اوپر سے گزرنے والی ہائی وولٹیج تاروں سے بچوں کو کرنٹ لگا۔

پولیس حکام نے مزیدبتایا کہ بچوں کی عمریں 10 ، 12 اور 14 سال تھیں جب کہ جاں بحق ہونے والے بچوں میں دو سگے بھائی بھی شامل ہیں۔

دوسری جانب ترجمان حیسکو کے مطابق پھلیلی سب ڈویژن میں بچوں کی اموات کرنٹ لگنے سے ہوئی، حادثے کے مقام پر تاریں ٹوٹی ہوئی نہیں تھیں، ممکنہ طورپر بچے تاروں کے قریب موجود تھے یا چھونے سے کرنٹ لگا۔

ترجمان حیکسو نے مزید بتایا کہ غیرقانونی تعمیرات سے بجلی کی تاریں چھت، دیواروں کے نہایت قریب ہوچکی ہیں، ٹنڈوطیب میں رہائشیوں کو پہلے بھی نوٹس جاری کر چکے ہیں۔