اسحاق ڈار کا برطانوی وزیر خارجہ سے رابطہ، خطے میں پائیدار امن کیلئے رابطے جاری رکھنے پر اتفاق

اسلام آباد:نائب وزیراعظم و وزیرِ خارجہ اسحاق ڈار کی برطانوی ہم منصب یوویٹ کوپر سے ٹیلیفونک گفتگو ہوئی، جس میں دونوں ممالک نے خطے میں پائیدار امن کیلئے رابطے جاری رکھنے پر اتفاق کیا ہے۔

ترجمان دفتر خارجہ کے مطابق دوران گفتگو دونوں رہنماؤں نے علاقائی صورتحال پر تبادلہ خیال، امن و استحکام پر زور دیا۔برطانیہ نے پاکستان کی سفارتی کاوشوں اور مکالمے کی حمایت کا اعتراف کیا۔

ترجمان کے مطابق دونوں ممالک نے خطے میں پائیدار امن کیلئے رابطے جاری رکھنے پر اتفاق کیا۔ رابطے میں پاکستان اور برطانیہ کے درمیان سفارتی روابط مزید مضبوط بنانے پر اتفاق، مکالمہ اور سفارتکاری کو فروغ دینے کی مشترکہ کوششوں کا اعادہ کیا گیا۔

ترجمان دفتر خارجہ نے مزید بتایا کہ دوران گفتگو خطے میں کشیدگی کم کرنے کیلئے مسلسل رابطے کی ضرورت پر زور دیا گیا، پاکستان کی امن کیلئے کوششوں کو عالمی سطح پر سراہا گیا۔