معرکہء حق کے ہیرو لیفٹیننٹ کرنل محمد شاہذیب رفیع، تمغہء بسالت کی شاندار جنگی کارکردگی کی داستان

اسلام آباد :معرکۂ حق کے ہیرو لیفٹیننٹ کرنل محمد شاہذیب رفیع کی جرات و بہادری کی داستان وطن سے محبت اور پیشہ ورانہ مہارت کی روشن مثال ہے۔

تفصیلات کے مطابق معرکۂ حق کے دوران لیفٹیننٹ کرنل محمد شاہذیب رفیع نے آرٹلری یونٹ کی قیادت کرتے ہوئے 6 اور 7 مئی 2025 کی درمیانی شب دشمن کی کارروائی کے جواب میں بھرپور فائر کا حکم دیا۔

ان کی کمانڈ میں یونٹ کی بروقت اور شدید گولہ باری سے دشمن کے متعدد بریگیڈ اور بٹالین ہیڈکوارٹرز اور مارٹر پوزیشنز تباہ ہو گئیں، جس نے دشمن کی شکست میں اہم کردار ادا کیا۔

نمایاں جنگی کارکردگی پر لیفٹیننٹ کرنل محمد شاہذیب رفیع کو تمغۂ بسالت سے نوازا گیا۔ انہوں نے اس عزم کا اظہار کیا کہ آئندہ کسی بھی چیلنج کی صورت میں دشمن کو اس سے بھی زیادہ سخت اور منہ توڑ جواب دیا جائے گا۔