مسلسل دوسرے روز بھی سونا سستا، فی تولہ کتنے کا ہو گیا؟

کراچی:عالمی اور مقامی گولڈ مارکیٹس میں سونے کی قیمت میں کمی کا رجحان جاری ہے اور مسلسل دوسرے روز بھی سونا سستا ہوا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ 24 قیراط سونا 400 روپے کمی کے بعد 4 لاکھ 93 ہزار 662 روپے پر آگیا ہے۔
ایسوسی ایشن کے مطابق اسی طرح 10 گرام سونے کی قیمت بھی 343 روپے کمی سے 4 لاکھ 23 ہزار 235 روپے ریکارڈ کی گئی ہے۔

علاوہ ازاں ملک میں چاندی کی قیمت بھی مزید کم ہو گئی ہے ، چاندی کی فی تولہ قیمت میں 12روپے کی کمی ہونے سے نئی قیمت 8513روپے ہوگئی ہے۔

دوسری جانب عالمی بلین مارکیٹ میں بھی سونے کے نرخوں میں کمی کا رجحان برقرار ہے، جہاں فی اونس سونا 4 ڈالر کمی کے بعد 4713 ڈالر پر ٹریڈ ہو رہا ہے۔

خیال رہے کہ گزشتہ روز ملک میں سونے کی قیمتوں میں نمایاں کمی ہوئی تھی، جب فی تولہ سونے کی قیمت 2700 روپے کم ہو کر 4 لاکھ 94 ہزار 62 روپے ہوگئی تھی۔