کورونا ایس او پیز کی خلاف ورزی : سندھ حکومت نے ایس ایچ اوز کو کارروائی کا اختیار دیدیا

تفصیلات کے مطابق  سندھ میں کورونا ایس اوپیز کی خلاف ورزی  پر  سندھ حکومت نے ایس ایچ اوز کو بھی کارروائی کا اختیار دیدیا ہے۔اس حوالے سے  محکمہ داخلہ سندھ نے ترمیمی نوٹیفکیشن جاری کردیا ہے۔

ایس اوپیز کی خلاف ورزی پر دکانداروں،صنعتوں،دفاتر میں کارروائی پولیس انسپکٹر کرسکےگا۔ پولیس انسپکٹر ،ایس ایچ او سندھ وبائی امراض ایکٹ کی شق 3کے  تحت کاروائی کرسکیں گے۔حکم نامہ میں کہا گیا ہے کہ پولیس انسپکٹر ایس اوپیز کی خلاف ورزی پر نوٹس کا اجرا،ہدایات کرسکیں گے۔

اس سے قبل کورونا ایس اوپیز کی خلاف ورزی پر کاروائی کا اختیارڈپٹی کمشنرز،اسسٹنٹ کمشنرزکو حاصل تھا۔