خوشاب:شدیددھند کے باعث ٹریفک حادثہ ، خاتون سمیت 7افراد جاں بحق

جی این این کے مطابق یہ افسوس ناک حادثہ میانوالی روڈ پر بوتالہ کے قریب پیش آیا  جب شدید دھند کے باعث  مسافر کوچ منی ٹرک سے ٹکرا گئی ۔ حادثے میں  ایک خاتون سمیت 7 افراد جان کی بازی ہار گئے   جبکہ  10 افراد کے  زخمی ہونے کی  اطلاعات ہیں ۔

حادثے کی اطلاع ملتے ہی ریسکیواور امدادی ٹیمیں موقع پر پہنچ گئیں ، ریسکیو 1122 نے لاشوں  اور زخمیوں کو ڈسٹرکٹ ہیڈکوارٹرہسپتال منتقل کر دیا۔بدقسمت کوچ میانوالی سے خوشاب آ رہی تھی ۔