سندھ کے ضمنی انتخابات میں پیپلزپارٹی کی بڑے مارجن سے فتح

جی این این کے مطابق پی ایس 88 ملیر کے ضمنی الیکشن میں پیپلز پارٹی کے یوسف بلوچ نے میدان مارلیا۔غیر حتمی غیر سرکاری نتائج کے مطابق پیپلز پارٹی کے یوسف بلوچ نے 24 ہزار 251 ووٹ حاصل کیے۔  غیر حتمی نتائج کے مطابق ٹی ایل پی کےکاشف علی6ہزار90 ووٹ لے کر دوسرے جبکہ پی ٹی آئی کے جانشیر جونیجو 4 ہزار 870 ووٹ حاصل کرکے تیسرے نمبر پر رہے۔ ایم کیو ایم پاکستان کے ساجد احمددو ہزار 635ووٹ لے سکے۔

ادھر پی ایس43سانگھڑمیں بھی پیپلزپارٹی نے تحریک انصاف کوبڑےفرق سےشکست  دے دی۔ غیرسرکاری اور غیر حتمی نتائج کے مطابق  پیپلزپارٹی کے جام شبیرعلی خان نے49ہزار38ووٹ لیکرفتح اپنےنام کی۔ان کے مد مقابل پی ٹی آئی کے امیدوار صرف 6931 ووٹ حاصل کرسکے  ۔جام مدد علی خان کے انتقال کے باعث بھاری اکثریت سے جیتنے کے باوجود بھی جیالوں نےکوئی جشن نہیں منایا۔

دوسری جانب بلوچستان اسمبلی کے حلقہ پی بی 20 پشین 3 پر جے یوآئی  نے میدان مار لیا ۔پشین کے انتخابی معرکے میں جے یوآئی کے  عزیزاللہ چوبیس ہزار نو سو پینسٹھ  ووٹوں کے ساتھ کامیاب ہوئے ان کے مدمقابل حکمران عوامی پارٹی کے عصمت اللہ صرف سات ہزار ایک سو تیئس ووٹ لے سکے۔