افغانستان میں امن اوراستحکام کے لیے ہمارا کردار سب سے اہم ہے:وفاقی وزیر اطلاعات

تفصیلات کے مطابق فواد چوہدری کا کہنا ہے کہ افغانستان میں حکومت سازی افغانستان کے عوام نے کرنی ہے، ہماری کوششیں پرامن اورمستحکم افغانستان کے لئے جاری ہیں۔

انہوں نے کہا ہے کہ کابل میں پاکستانی سفارت خانے کوبین الاقوامی میڈیا سمیت پوری دنیا میں پذیرائی مل رہی ہے،پی آئی اے نے کابل سے انخلاءمیں تقریباً 1400 افراد کو مدد فراہم کی ہے، دو ہزار کے قریب لوگوں کو کابل سے نکالا جا چکا ہے۔

ان کا مزید کہنا ہے کہ کابل میں پیدا ہونے والی صورتحال کے باعث صحافیوں، انٹرنیشنل میڈیا ارکان، آئی ایم ایف، ورلڈ بینک اور مختلف سفارت ‏خانوں کے عملہ کا انخلاءمشکل ہو گیا تھا،اس وقت تک تقریباً چار ہزار ویزے جاری کیے جا چکے ہیں۔