3سال میں عوام کے ساتھ ملک پر بھی مالیاتی بوجھ بڑھ رہا ہے، یہ کیسی مینجمنٹ ہے:شہبازشریف

 اپوزیشن لیڈر شہباز شریف کا کہنا ہے کہ چوری اور نااہلی اور کیا ہوتی ہے،عوام کو بجلی کی قیمت بھی زیادہ ادا کرنا پڑی ہے،گردشی قرض تاریخ کی بلند ترین سطح پر ہے‎،وزارت توانائی کی رپورٹ حکومت کی 3سال کی کارکردگی کیخلاف چارج شیٹ ہے،

‎انہوں نے کہا کہ 3سال میں گردشی قرض دگنا سے زیادہ ہو کر 2.5 کھرب ہوگیا ہے،  ‏پی ٹی آئی کے اقتدار میں آنے پر یہ قرض تقریباًایک کھرب تھا،بجلی کی قیمتوں میں ظالمانہ اضافہ کرکے بھی گردشی قرض دوگنا ہونا نااہلی کی انتہاءنہیں تو اور کیا ہے؟‎ ‎

شہباز شریف نے کہا ہے کہ بجلی کی ترسیل میں نقصانات، بجلی کے بلوں کی وصولیوں سمیت توانائی کے شعبے کا ہر پہلو افسوسناک ہے‎ ‎دسمبر 2020 تک گردشی قرض صفر کرنے کےدعوے بھی منہ کے بل گر چکے ‏ہیں۔

اپوزیشن لیڈر قومی اسمبلی کا کہنا ہے کہ جون 2018 کے مقابلے میں گردشی قرض کے حجم میں بے تحاشا اور انتہائی تیزی سے اضافہ ہوا‎ ‎ہے،‎عوام پے 500 ارب روپےسے زیادہ  کا اضافی بوجھ ڈالنے کے باوجود گردشی قرض مزید بڑھ گیاہے۔

انہوں نے کہا ہے کہ پی ٹی آئی نے پہلےسال 464ارب، دوسرے سال 538 اور تیسرے سال130ارب اضافہ کیاہے،گیس کی جگہ ڈیزل اورفرنس آئل سےبجلی بنے گی تو پھرگردشی قرض توبڑھے گا۔

ان کا مزید کہنا ہے کہ پی ٹی آئی حکومت عوام سےکئےوعدے پورےکرسکی نہ وفاقی اکائیوں سے،پی ٹی آئی نےصرف ایک کام کیابجلی کےشعبے کا سارابوجھ عوام کے سر ڈال دیاہے۔

‎