سندھ حکومت کا موٹر سائیکل چلانے والےشہریوں پرایک اور جرمانہ لگانے کی تیاری

تفصیلات کے مطابق محکمہ ٹرانسپورٹ سندھ موٹروہیکل رولز میں ترامیم کرےگی،موٹر سائیکل میں سائیڈ مرر نہ لگانے پر چالان کیاجائےگا،ٹریفک پولیس کو موٹر سائیکل سواروں کےخلاف ایک اور مد میں چالان کا اختیار دیاجائےگا۔

سندھ حکومت کے اعلی حکام کا کہنا ہے کہ موٹر سائیکلز میں سائیڈ مررحادثات کی روک تھام کیلئےلگوائےجارہےہیں۔

کراچی سمیت سندھ بھر میں 60لاکھ سےزائد موٹرسائیکلز موجود ہیں،لازمی سائیڈ مرر  قانون کی عملداری سےٹریفک پولیس کو ماہانہ لاکھوں روپے چالان کی مدمیں ملنے کا امکان ہے۔

موٹرسائیکلز میں لازمی سائیڈ گلاسز سےمتعلق ترامیم کا مسودہ سندھ کابینہ میں پیش کیاجائےگا،سندھ کابینہ کی منظوری کی صورت میں موٹر سائیکلز میں سائیڈ گلاسز لگانے کا قانون نافذ العمل ہوگا۔