ہمارے ملک میں ہر الیکشن متنازع رہا ہے:شبلی فراز

تفصیلات کے مطابق وفاقی وزیر سائنس اینڈ ٹیکنالوجی کا کہنا ہے کہ اپوزیشن جماعتوں کو الیکٹرانک ووٹنگ مشین کے سلسلے میں اعتماد میں لینا چاہتے ہیں لیکن اپوزیشن نے الیکٹرانک مشین دیکھنے سے پہلے ہی اس پر اعتراض اٹھالیا ہے۔

شبلی فراز کا کہنا ہے کہ مشین پر مزید کام کرنے کے بعد ہم سب کو چیلنج دیں گے کہ اس کو ہیک کرکے بتائیں،بدقسمتی سے ہمارے ملک میں 100 فیصد ووٹنگ نہیں ہوتی ہے،

انہوں نے کہا ہے کہ الیکشن کمیشن کے موصول شدہ تحریری نکات کی روشنی میں یہ مشین بنائی گئی،الیکشن کمیشن نےمشین بارے70سوالات پوچھے،صرف 2 کے جواب نہیں دیے،لیکن انہوں نے ابھی تک الیکٹرانک ووٹنگ مشین کو مانگا نہیں،الیکشن کمیشن کے مطابق گنتی کے عمل میں 18 لاکھ ووٹ ضائع ہوتے ہیں،ووٹ کاضیاع ہونا نتائج پر اثر انداز ہوتا ہے۔

ان کا کہنا تھاکہ الیکٹرانک ووٹنگ مشین میں انسانی عمل دخل کم سے کم رکھا گیا،اس مشین سے15 سیکنڈ کے اندر کسی بھی الیکشن بوتھ کا نتیجہ سامنے آئے گا2023 میں انتخابات الیکٹرانک ووٹنگ مشین کے ذریعے ہونگے۔

ان کا مزید کہنا ہے کہ وزیراعظم عمران خان اداروں پر خصوصی توجہ دے رہے ہیں،ہمارے ہاں سیاست پر توجہ زیادہ اور اداروں کو فعال کرنے پر کم دی جاتی ہے۔