اپوزیشن بزداراورعمران کے خلاف تحریک عدم اعتماد لائے: بلاول بھٹو

تفصیلات کے مطابق بلاول بھٹو کا میڈیا سے گفتگو کرتے ہوئے کہناتھا کہ تحریک عدم اعتماد لائیں تو جمہوریت بحال ہو سکتی ہے، ہر ہفتے لانگ مارچ کا اعلان کرنا اور پھر جانے سے نقصان ہوتا ہے۔

ان کا کہنا تھا کہ سرکاری ملازمین کی ایک کمیٹی کو پورے میڈیا کا مالک و مختار بنا دینا کسی صورت منظور نہیں،حکومت میڈیا ٹریبونل کے قیام سے خود پر تنقید کرنے والوں کی آوازوں کو دبانا چاہتی ہے۔

انہوں نے میڈیا اتھارٹی کو یکسر مسترد کرتے ہوئے کہا کہ پیپلزپارٹی سینیٹ اور قومی اسمبلی میں میڈیا کی آزادی کے لیے بھرپور آواز اٹھائے گی۔

ان کا مزید کہنا تھا کہ پاکستان کے عوام تبدیلی کا اصل چہرہ دیکھ چکے ہیں، پی ٹی آئی کی یہ پہلی اور آخری حکومت ہے۔