وزیر آباد کا الیکشن شفاف اور ڈسکہ میں دھاندلی عجب منطق ہے، ڈاکٹر شہباز گِل

معاون خصوصی برائے سیاسی ابلاغ ڈاکٹر شہباز گِل نے مریم صفدر کے بیان پر ردعمل دیتے ہوئے کہا کہ کیلبری کوئین ہمیشہ کی طرح جھوٹ اور پروپیگنڈا کرنے میں مصروف ہیں،جس نے سراپا جھوٹ دیکھنا ہو وہ محترمہ کو دیکھ لے۔ ڈاکٹر شہباز گِل نے کہا کہ   واضح شکست نظر آنے کے بعد مریم اور انکے حواری سرِ شام ہی دھاندلی کا رونا رونے لگ گئے تھے، وزیر آباد کا الیکشن شفاف اور ڈسکہ میں دھاندلی عجب منطق ہے۔

معاون خصوصی  ڈاکٹر شہباز گِل نے کہا کہ   جہاں جیتے وہاں نواز شریف کے بیانیے کی فتح جہاں ہار جائیں دھاندلی کا رونا،عوام کو چکمہ دینا چھوڑ دیں کیونکہ عوام اب آپکے فریب میں آنے والی نہیں،ڈسکہ کے عوام نے فیصلہ دے دیا ہے ووٹ کو عزت دیں اور نتائج قبول کریں، کیلبری کوئیں ووٹ کو عزت دینے کے بجائے مجھے کیوں نکالا کا واویلا کرتی نظر آئیں گی،گیارہ پارٹیوں کے مکس کرپشن اتحاد نے غنڈہ گردی کے زریعے عوام کو دھمکانے کی کوشش کی، نااہل لیگ نے ہمیشہ ایمپائر کو ساتھ ملا کر الیکشن جیتا ہے۔