بیچ ریسلنگ میں گولڈ میڈلز جیتنے والے انعام بٹ کا پاکستان پہنچنے پرشانداراستقبال

تفصیلات کے مطابق وطن واپسی پر انعام بٹ کا شاندار استقبال کیا گیا, نوجوان ریسلرز اور پاکستان ریسلنگ فیڈریشن کے عہدیداروں نے انعام بٹ کا استقبال کیا۔

انعام بٹ نے ورلڈ بیچ ریسلنگ میں دو گولڈ میڈلز حاصل کر کے پاکستان کا نام پو ری دنیا میں بلند کیاہے۔

ریسلر انعام بٹ نے وطن واپسی پر گفتگو  کر تے ہو ئے کہا کہ ورلڈ ٹائٹل جیتنے پر اللہ کا شکر گذار ہوں،اٹلی اور یوکرائن میں ناقابل شکست رہا،پاکستان سپورٹس بورڈ، بین الصوبائی رابطے کی وزارت اور پی اواے نے تیاری میں بھرپور ساتھ دیا۔پاکستان واپڈا کا  بھی شکر گزار ہوں جو بھرپور ساتھ دے رہے ہیں۔

ان کا مزید کہنا تھا کہ کامن ویلتھ گیمز، ایشین گیمز اور اولمپک گیمز میں کامیابی حاصل کرنے کی کوشش کروں گا ۔