سوشل میڈیا پر زیر گردش ویڈیو زسے متعلق محمد زبیر کا رد عمل سامنے آگیا

کراچی : سابق گورنر سندھ ، ن لیگ کے قائد نواز شریف اور مریم نواز کے ترجمان محمد زبیر نے سوشل میڈیا پر گردش کرنے والی ویڈیوز کے حوالے سے اپنا رد عمل ظاہر کیا ہے ۔ 

ٹؤئٹر پر جاری بیان میں محمد زبیر نے کہا کہ میرے خلاف جعلی اور تبدیل شدہ ویڈیوز جاری کرنا کوئی سیاست نہیں ، دراصل پستی کی نئی مثال ہے ۔ 

انہوں نے کہا کہ جو کوئی بھی اس کے پیچھے ہے اس نے انتہائی گھٹیا اور شرمناک عمل کیا ہے ۔ 

محمد زبیر نے کہا کہ میں نے ایمانداری ، خلوص نیت ، اور لگن کے ساتھ ملک کی خدمت کی ہے اور میں پاکستان کی بہتری کے لیے آواز بلند کرتا رہوں گا۔