آج ملک میں پٹرول اور ڈیزل کی قیمت خطے کے دیگر ممالک سے خاصی کم ہے:حماد اظہر

تفصیلات کے مطابق حماد اظہر کا کہنا تھا کہ حکومت نے اگست سے اب تک پٹرولیم مصنوعات پر 435 ارب روپے کا ریلیف دیا ہے ،ن لیگ دور میں قیتمیں کم نہیں کی جاتی تھیں لیوی بڑھا دی جاتی تھی ۔

ان کا کہنا تھا کہ ایک وقت میں سیلز ٹیکس 56 فیصد تھا جو اب دس فیصد ہے سابقہ ادوار کی نسبت پٹرول پر اب کم ٹیکس نافذ ہیں۔

انہوں نے کہا ہے کہ کورونا کے باعث دنیا بھر میں اشیاء کی قیمتیں بڑھی ہیں ،جہاں پٹرول ہم سے سستا ہے وہاں پٹرولیم پیدا ہوتا ہے، عالم سطح پر آنے والی مہنگائی سے اپنے عوام کو بچایا جارہا ہے ۔

ان کا مزید کہنا تھا نعرے بازی گالی گلوچ سے نکل کر دیکھا جائے کیسے عوام کو ریلیف دیا جاسکتا ہے احساس پروگرام کے تحت فنڈز کا اجراء دوگنا کردیا گیا ہے ۔