اردن کے ولی عہد کرونا وائرس کا شکار

غیر ملکی میڈیا رپورٹ کے مطابق اردن کے ولی عہد شہزادہ حسین کرونا وائرس میں مبتلا ہوگئے ہیں۔

رائل کورٹ کی جانب سے جاری بیان میں کہا گیا کہ اردن کے ولی عہد شہزادہ حسین کرونا کے خلاف ویکسین حاصل کرنے کے باوجود اس وبا کا شکار ہوئے ہیں، ولی عہد میں کرونا کی ہلکی علامات ظاہر ہوئیں تاہم ان کی صحت بہت اچھی ہے انہوں نے خود کو آئسولیٹ کرلیا ہے۔

ولی عہد میں کرونا کی تشخیص کے بعد شاہ عبداللہ اور ملکہ رانیہ نے بھی احتیاطی طور پر پانچ دن کا قرنطینہ کرلیا ہے حالانکہ دونوں کی کرونا وائرس رپورٹ منفی آئی ہے۔

خیال رہے کہ اردن کے ولی عہد شہزادہ الحسین بن عبداللہ نے گذشتہ ہفتے اقوام متحدہ کی جنرل اسمبلی سے خطاب کیا تھا۔