وزیر خزانہ شوکت ترین سےایشیائی ترقیاتی بینک کے کنٹری ڈائریکٹر کی ملاقات

تفصیلات کے مطابق وزیر خزانہ کا کہنا تھا کہ پاور سیکٹر میں اصلاحات ، محصولات بڑھانے کی کوششیں نتیجہ خیز ثابت ہوئیں، حکومت پائیدار معاشی شرح نمو کیلئے پرعزم ، پیداواری صلاحیت بڑھا رہی ہے۔

شوکت ترین کا کہنا تھا کہ قلیل، وسط اور طویل المدتی منصوبہ جات کی تشکیل کی جارہی ہے، اقتصادی مشاورتی کونسل نے معیشت کے 14 شعبوں میں اصلاحات تیار کی ہیں جبکہ کامیاب پاکستان پروگرام کے تحت مختلف اسکیموں کا آغاز کیا جائیگا۔

کنٹری ڈائریکٹر کا کہنا تھا کہ پاکستان کیلئے ویکسین سپورٹ پروگرام کے تحت 50 کروڑ ڈالر کی منظوری دی، جن میں سے 31 کروڑ 40 لاکھ ڈالر پہلے ہی تقسیم کئے جاچکے ہیں۔

3سالہ پروگرام کے تحت ہر 3سال میں پاکستان کو 2 ارب ڈالر فراہم کئے جائیں گے جبکہ اے ڈی بی سنگل ونڈو کے ذریعے پاکستان کی مدد کے مختلف آپشنز پر غور کررہا ہے۔