لاہور: میٹرک  کی طالبہ کے ساتھ مبینہ زیادتی ، مقدمہ درج 

تفصیلات کے مطابق لاہور کے علاقے  مصطفی آباد میں میٹرک  کی طالبہ کے ساتھ مبینہ زیادتی کا واقعہ،  پولیس نے متاثرہ لڑکی کی مدعیت میں مقدمہ درج کر لیا  ۔ ملزم نے لڑکی کو نامعلوم مقام پر لے جاکر زیادتی کانشانہ بنایا اور  واقعہ  کے بعد لڑکی کو اردو بازار چھوڑ کر فرار ہوگیا۔

لاہور: مصطفی آباد میں میٹرک کی طالبہ کیساتھ مبینہ زیادتی #GNN pic.twitter.com/5XRr6o5LJw

— GNN (@gnnhdofficial) September 30, 2021

پولیس کا کہنا ہے کہ  18 سالہ لڑکی ملزم راشد الحسن کی دوست تھی، ملزم راشد سیالکوٹ کا رہائشی ہے،گرفتاری کے لیے کارروائیاں جاری ہیں۔

آئی جی پنجاب  نے واقعہ کا  نوٹس لے کر  سی سی پی او سے رپورٹ طلب کرلی ہے۔

مزید برآں لاہور میں پانچ روز  قبل اغوا ہونے والے نجی ٹیکسی ڈرائیور کی لاش گندے نالے سے مل گئی ہے، مقتول کے ہاتھ پاؤں بندھے اور چہرہ پلاسٹک ٹیپ سے لپٹا ہوا  تھا ، لاش پوسٹ مارٹم کیلئے مردہ خانہ منتقل کردی گئی ہے۔

لاہو: گرین ٹاون گندے نالے سے 5 روز قبل اغوا ہونے والے ٹیکسی ڈرائیورکی لاش مل گئی #GNN pic.twitter.com/lTj15QlWcA

— GNN (@gnnhdofficial) September 30, 2021

 پولیس نے ٹیکسی مالک کی  مدعیت میں مقدمہ درج کرلیا ہے۔پولیس کا کہنا ہے کہ مقتول نے آخری بار  25 ستمبر کو لاری اڈے سے دو مسافروں کو  ٹیکسی میں بٹھایا تھا ، باگڑیاں کے قریب سے مقتول کو اغوا کیا گیا ، ٹریکر کی مدد سے گاڑی اتوار کے روز برآمد کی گئی۔