وزیر خزانہ شوکت ترین کی زیر صدارت ای سی سی کا اجلاس

تفصیلات کے مطابق ای سی سی نے وزیراعظم ریلئف پیکیج کی یوٹیلیٹی اسٹورز پر فراہمی کی مدت میں مزید ایک ماہ کی توسیع کردی ہے۔

عالمی مارکیٹ میں اشیاء کی قیمتوں میں اضافہ کے باعث نظر ثانی شدہ سمری پیش کی گئی جبکہ کمیٹی نے مزید 5 لاکھ 50 ہزار میٹرک ٹن گندم درآمد کیلئے ٹینڈر کی منظوری دیدی ہے۔

کے الیکٹرک کے سہ ماہی فیول پرائس ایڈجسٹمنٹ کیلئے نیپرا سے رجوع کرنے کی بھی ہدائیت جبکہ ڈیسکوز کو دی گئی سبسڈی پر سیلز ٹیکس کا معاملہ لاء ڈویژن کو بھجوا دیا گیا ہے۔

ای سی سی نے لبرٹی پاور لمیٹڈ کو آئی پی پیزسیٹلمنٹ کے تحت ادائیگیوں کی اجازت دیدی ہے، جبکہ ای سی سی نے ربیع سیزن کیلئے ایک لاکھ ٹن یوریا کی درآمد کی بھی اجازت دیدی ہے۔