بیٹی کے بعد عمر شریف محض ایک برس زندہ رہے

کراچی : کامیڈی کے بے تاج بادشاہ اور سٹیج کے مقبول ترین مزاحیہ اداکار عمر شریف آج دنیا کوخیر باد کہہ گئے ہیں ۔ 

عمرشریف کی بیٹی حرا شریف گزشتہ برس اپنے والد سے بچھڑ گئی تھی ۔ عمرشریف اس سے اتنا پیار کرتے تھے کہ حرا شریف کے انتقال کی خبر ان کو نہیں بتائی گئی ، بس ان سے کہا گیا کہ ان کی بیٹی کی طبیعت خراب ہے، عمر شریف نے اس  خبرکے بعد اپنا شو منسوخ کردیا تھا ۔ 

عمر شریف کی لخت ِجگر حرا شریف بھی گردوں میں انفیکشن کے مرض میں مبتلا تھیں اور وہ لاہو کے ایک ہسپتال میں زیر علاج تھیں ۔ حرا عمر شریف گردے کے ٹرانسلانٹ آپریشن میں پیچیدگی کی وجہ سے اتنقال کر گئی تھیں ۔ 

اداکار عمر شریف بیٹی کی یوں اچانک وفات کے بعد افسردہ رہنے لگے تھے جس کے باعث ان کی طیبعت بھی خراب رہی تھی ۔